in

माथेफिरूचा उच्छाद;शेतातील 2 एकर कपाशी पीक टाकले उपटून

मंगेश जोशी । जळगाव जिल्ह्यात एका माथेफिरूने चक्क शेतातील 2 एकर कपाशी पीक उपटून टाकल्याची घटना घडली आहे. एका महिलेच्या शेतात शिरूर त्याने हा प्रकार केला. दरम्यान आपल्या शेतीची झालेली हि नासधूस पाहून शेतकरी महिलेचा टाहोच फोडत आक्रोश केला. दरम्यान आता या माथेफिरूवर कारवाईची मागणी ग्रामस्थांकडून होत आहे.

जळगाव जिल्ह्यातल्या भडगाव तालुक्यातील तांदुळवाडी शिवारात अज्ञात माथेफेरूने दीड ते दोन एकर जमिनीतील कपाशी उपटून महिला शेतकऱ्याच्या पिकाचे नुकसान केले आहे. महिला शेतकरी मीराबाई उत्तम गायकवाड यांचे शेत होते. आर्थिकसह शारीरिक संकटांचा सामना करत दिवस रात्र मेहनत करून शेतात लावलेले कपाशीचे पीक अज्ञातांनी उपटून टाकल्याने मीरा बाई गायकवाड यांनी टाहो फोडात आक्रोश केला. दरम्यान ग्रामस्थांनी महिला शेतकरी मीराबाई यांचे सांत्वन केले. तसेच पिकांचे नुकसान करणाऱ्या अज्ञात माथेफिरूचा शोध घेऊन कारवाई करण्याची मागणी ग्रामस्थांनी केली आहे.

What do you think?

Written by Lokshahi News

Comments

Leave a Reply

Your email address will not be published. Required fields are marked *

Loading…

0

जळगावात शासकीय कार्यालयात रंगली दारू पार्टी; व्हिडीओ व्हायरल

“वेळ वाढवून द्या अन्यथा आम्हीही हॉटेल्स बंद ठेऊ” हॉटेल व्यावसायिकांचा इशारा