भारतात लसीकरणाने केला 94 लाखांचा टप्पा पार, जागतिक स्तरावर भारत तिसऱ्या स्थानी

सर्वाधिक लसीकरणाच्या आकडेवारीत जागतिक स्तरावर भारत तिसऱ्या स्थानावर आहे. अमेरिका आणि ब्रिटननंतर भारताचा क्रमांक आहे. आज (18 फेब्रुवारी) सकाळी 8 वाजेपर्यंत 94 लाखांहून अधिक आरोग्य कर्मचारी आणि आघाडीच्या कर्मचाऱ्यांनी देशव्यापी कोविड-19 लसीकरण अभियानाअंतर्गत लस घेतली.

आतापर्यंत 1 लाख 99 हजार 305 सत्रांत 94 लाख 22 हजार 228 जणांनी लस घेतली आहे. यामध्ये 61 लाख 96 हजार 641 आरोग्य कर्मचारी (पहिला डोस), 3 लाख 69 हजार 167 आरोग्य कर्मचारी (दुसरा डोस) आणि 28 लाख 56 हजार 420 फ्रंटलाइन वर्कर्स (पहिला डोस) यांचा समावेश आहे.

कोविड -19 लसीकरणाची दुसरा डोस देण्यास 13 फेब्रुवारीपासून सुरुवात झाली. पहिला डोस घेऊन 28 दिवस झालेल्यांना हा दुसरा डोस देण्यात येत आहे. 2 फेब्रुवारीपासून फ्रंटलाइन वर्कर्सच्या लसीकरणाला सुरुवात करण्यात आली. लसीकरण अभियानाच्या 33व्या दिवशी (18 फेब्रुवारी) 4 लाख 22 हजार 998 लाभार्थींचे 7 हजार 932 सत्रांत लसीकरण झाले. यापैकी 3 लाख 30 हजार 208 लाभार्थ्यांना 10 हजार 574 सत्रांत पहिला डोस आणि 92 हजार 790 जणांना लसीचा दुसरा डोस देण्यात आला. दुसरा डोस घेतलेल्यांपैकी 58.20 टक्के लोक 7 राज्यांमधील आहेत. एकट्या कर्नाटकमध्ये 14.74 टक्के आहेत.